Prošeakta
Saame AI lea Aalto-universitehta ja Lappi universitehta oktasaš prošeakta, man ulbmil lea ráhkadit automáhtalaš hállanáicanprográmma (ASR) sámegielaide. Helssega universitehta lea prošeavttas mielde nákkosgirjedutkamuša bokte. Prošeakta lea ožžon ruđa Suoma kulturruhtarájus (SKR), ja bistá sullii golbma jagi. Prošeavtta deaddu lea davvisámegielas, muhto boahttevuođas okta ulbmil lea ráhkadit seammalágan reaidduid maiddái eará sámegielaide.
Hállanáicanreaiddut sámegielaide
Otná sámi giellasearvvuš gáibida iešguđetlágan tehnihkalaš reaidduid eanet ja eanet. Hállanáicanprográmma sáhttá leat ávkkálaš ovdamearkka dihte skuvlejumis ja dutkamušas, muhto maiddái almmolaš suorggi bálválusain. Manuálalaš littereren (hállama sirdin teakstahápmái) lea hiđis ja lossa bargu, ja dávjá dat gáibida earenoamáš máhtuid dahje skuvlejumi. Automáhtalaš reaiddut, mat leat plánejuvvon ja ráhkaduvvon dákkár bargui, sestet áiggi ja resurssaid.
Hállanáicanprográmma ráhkadeapmi sámegielaide lea maiddái gielalaš dásseárvvu gažaldat. Iešguđetlágan giellateknologiija reaiddut leat ráhkaduvvon dušše unna oassái máilmmi gielain. Dat gielat leat dávjá hui stuorit, ja dain leat máŋgga olmmošlaš ja materiálalaš resurssat. Unnit ja áitatvuloš gielain eai leat seamma resurssat, ja dat ávki man giellateknologiijalaš reaiddut sáhttet fállat lea mearkkašahtti. Dan lassin, ahte automáhtalaš reaiddut sestet áiggi ja resurssaid, dat sáhttet fállat vejolašvuođaid geavahit giela ođđa ja earálágan birrasiin.
Váldde oktavuođa!
Project manager
Mikko Kurimo
Aalto-university, Professor, Information and communication engineering, speech recognition
E-mail mikko.kurimo@aalto.fi
Phone +358503476221
Project partner
Pigga Keskitalo
University of Lapland
Professor, Education sciences
E-mail
pigga.keskitalo@ulapland.fi
Doctoral researcher
Kristiina Ojala
University of Helsinki
Doctoral researcher, Language studies program
E-mail kristiina.ojala@helsinki.fi
Phone +358440674616
Partnerat ja prošektii laktáseaddji olbmot
Mikko Kurimo (Aalto-universitehta), prošeaktahoavda
Pigga Keskitalo (Lappi universitehta), prošeaktapartner
Kristiina Ojala (Helssega universitehta), nákkosgirjedutki
Yaroslav Getman (Aalto-universitehta), nákkosgirjedutki
Riho Grünthal (Helssega universitehta), nákkosgirjebagadalli